محمد طارق يهاجم مسئولي الزمالك بعد عدم قيده | يلاكورة

كشف محمد طارق، لاعب فريق الزمالك السابق، أن مسئولي القلعة البيضاء لم يتواصلوا معه خلال الفترة الماضية، ليصبح دون نادٍ حتى فترة الانتقالات الشتوية المقبلة.

كشف محمد طارق، لاعب فريق الزمالك السابق، أن مسئولي القلعة البيضاء لم يتواصلوا معه خلال الفترة الماضية، ليصبح دون نادٍ حتى فترة الانتقالات الشتوية المقبلة.

وكتب طارق عبر حسابه بإنستجرام: "بعد إغلاق القيد عاوز أقول كلمتين، أولًا بلاش تتخدعوا في الناس، الواحد مكانش محتاج من الناس غير شوية احترام واحترافية في التعامل، لكن ده محصلش".

أضاف: "مبحبش أتكلم كتير بس النهارده أنا شبه هقعد شهرين بدون نادي، لكن تعالوا نعكسها كده، لو أنا لاعب وسبت النادي بتاعي وهو محتاجني أوي وروحت نادي تاني علشان فلوس أو غيره الناس والجمهور بيقلبوا الدنيا".

واصل: "أما لما النادي اللي اتربيت فيه ولعبت وكسبت معاه بطولات وجزء لو صغير من النادي وابن النادي، وأكون راجع من أولمبياد وأرجع علشان أنزل التمرين وأكلم المسؤولين وشهرين محدش يرد ولا يتواصل معاك".

أشار: "على فكرة معنديش مانع تفسخ معايا عادي جدًا، هي دي الكورة وده جزء من الاحتراف، لكن أنتوا لا ترتقوا أنكوا تكونوا مسئولين في نادي كبير، ولا تعرفوا يعني إيه احترام للاعب، الصغير قبل الكبير، عكس أي نادي تاني".

أتم: "لكن الجمهور واللاعبين أحب أشكرهم على كل يوم قضيته داخل النادي، وبحبكوا جدًا، وشكرًا على كل الحلو اللي عشته والبطولات اللي خدناها سوا، وأسف لو أثرت في يوم من الأيام".

وكان محمد طارق معارًا لصفوف المصري لمدة موسمين قبل أن يستعيده الزمالك، عقب قطع إعارته بعد موسم واحد.

وكان باب القيد الصيفي أغلق بشكل رسمي أمس الخميس الموافق 25 أكتوبر، فيما تنطلق الانتقالات الشتوية مطلع شهر يناير المقبل.